აფხაზეთის სახელმწიფო ანსამბლები — „შავნაბადა“ და „აფხაზეთი“

🎭 ღონისძიების ფარგლებში მაყურებლის წინაშე წარდგებიან აფხაზეთის სიმღერის სახელმწიფო ანსამბლი „შავნაბადა“ და აფხაზეთის სიმღერისა და ცეკვის სახელმწიფო აკადემიური ანსამბლი „აფხაზეთი“.

🎵 „შავნაბადა“, რომელიც 2005 წელს ჩამოყალიბდა, ქართული ტრადიციული სიმღერისა და გალობის ერთ-ერთი გამორჩეული შემსრულებელია.

💿 ანსამბლი აქტიურად მუშაობს ძველი მუსიკალური ნიმუშების მოძიებასა და აღდგენაზე, გამოცემული აქვს 10-ზე მეტი აუდიო ალბომი და ქართული კულტურის პოპულარიზაციის მიზნით კონცერტებსა და მასტერკლასებს მსოფლიოს სხვადასხვა ქვეყანაში მართავს.

💃 თითქმის საუკუნოვანი ისტორიის მქონე ანსამბლი „აფხაზეთი“ კი ქართული და აფხაზური მუსიკალური და ქორეოგრაფიული ტრადიციების წარმოჩენას ემსახურება.

✨ განახლებული დასი მაყურებელს სთავაზობს თანამედროვე სცენური ხედვით შექმნილ ფოლკლორულ პროგრამას, რომელშიც საქართველოს სხვადასხვა კუთხის მუსიკა და ქორეოგრაფია ერთიანდება.

🤝 ორივე ანსამბლს აერთიანებს ქართული კულტურული მემკვიდრეობის დაცვა, განვითარება და პოპულარიზაცია, ასევე ქართული და აფხაზური კულტურების დაახლოების სურვილი.