ზაფხულის ზღაპარი

გასპარი მორცხვი და განმარტოებული მათემატიკოსია, რომელსაც, პარადოქსულად, გოგონები მუდმივად იზიდავენ. ზაფხულის არდადეგებზე ის მოუთმენლად ელოდება ლენას — იდუმალ და მუდამ ხელიდან უსხლტებიან ქალს, რომლის მიმართაც დიდი ხანია გრძნობა აქვს. ლენას მოლოდინში გასპარი თითქოს შემთხვევით კიდევ ორ ქალს გაიცნობს და მალე სასიყვარულო მრავალკუთხედის ცენტრში აღმოჩნდება.

A Summer's Tale ერთი შეხედვით მსუბუქი და ახალგაზრდული რომანტიკული ისტორიაა, თუმცა სინამდვილეში გაცილებით ღრმა და დახვეწილი ფილმია. რეჟისორი Éric Rohmer მას თავისთვის დამახასიათებელ სტილში ქმნის: თითქოს არაფერი განსაკუთრებული არ ხდება, მაგრამ მთელი დრამა, იუმორი და ემოცია სწორედ წვრილმან დეტალებში იმალება.

რომერის ოთხივე „წელიწადის დროების ზღაპარი“ ნამდვილ კინოშედევრად ითვლება. Autumn Tale, A Winter's Tale და A Tale of Springtime ასევე აუცილებლად იქნება ნაჩვენები — ოღონდ თავის დროზე: შემოდგომაზე, ზამთარში და გაზაფხულზე.