2001: კოსმოსური ოდისეა

კულტური სამეცნიერო-ფანტასტიკური ფილმი, რომელიც გარდამტეხ მოვლენად იქცა როგორც კინო-ფანტასტიკის, ისე მსოფლიო კინემატოგრაფის ისტორიაში. ფილმი მოგვითხრობს ადამიანების შეხვედრების სერიაზე იდუმალ შავ მონოლითებთან, რომლებიც გავლენას ახდენენ ადამიანის ევოლუციის პროცესზე.

ფილმის თანაავტორი არტურ კლარკი საჯაროდ აცხადებდა, რომ თუ ვინმემ ფილმში დასმულ ყველა კითხვაზე პასუხები იპოვა, ესე იგი, ის და კუბრიკი რაღაცას არასწორად აკეთებდნენ. კუბრიკმა მიზნობრივად უარი თქვა კადრს მიღმა განმარტებებზე და ყურადღება გაამახვილა ონეირიკულ (სიზმრისეულ) და მეტაფიზიკურ ასპექტებზე.

„ოდिसეაში“ მეცნიერება ბუნებრივად ერწყმის ძნელად ასახსნელ და ზებუნებრივ მოვლენებს, ხოლო თავად რეჟისორი ამბობდა, რომ სცადა ეპოვა „ღვთის სამეცნიერო განსაზღვრა“.